სიმ ბარათის შეძენისა და შეცვლის წესები და პირობები

1. განმცხადებელს/აბონენტს შესაძლებლობა აქვს დისტანციურად შეიძინოს/შეცვალოს სიმ ბარათი „სილქნეტის“ მობილურ ქსელში.
2. განმცხადებელი/აბონენტი იხდის მომსახურების ღირებულებას ონლაინ - საბანკო ბარათის საშუალებით (სიმ ბარათის ღირებულებას და მიტანის საფასურს), აგზავნის პირადობის მოწმობის და სიმ ბარათის ფოტო ასლებს.
3. განმცხადებელმა/აბონენტმა განაცხადში უნდა მიუთითოს სრული და ზუსტი სახელი,
გვარი, პირადი ნომერი, მისამართი და ტელეფონის ნომერი. წინააღმდეგ შემთხვევაში, „სილქნეტი“ არ იძლევა გარანტიას დროულად მიწოდებაზე და არ კისრულობს პასუხისმგებლობას მიწოდების დაგვიანების ან ჩაშლის გამო.
4. მომსახურების ღირებულების გადახდა მოხდება ონლაინ რეჟიმში, იდენტიფიცირების გავლამდე. თუ ვერ მოხდება განმცხადებლის/აბონენტის იდენტიფიცირება, გადახდილი თანხა უბრუნდება ანგარიშზე. სიმ ბარათის შეძენისას სიმ ბარათის ღირებულება შეადგენს 2 (ორი) ლარს, საკურიერო მომახურების საფასურები იხ. განაცხადში.
5. ყოველი ქმედების/ოპერაციის განხორციელების შემდგომ, განმცხადებელი/აბონენტი მიიღებს მიმდინარე სტატუსის შესახებ შეტყობინებას ელ.ფოსტისა და SMS-ის სახით.
6. განაცხადის ელექტრონულად შევსების შემდგომ აბონენტს ელ. ფოსტით ეგზავნება სილქნეტის სააბონენტო ხელშეკრულება ელექტრონული საკომუნკაციო მომსახურების მიწოდების შესახებ (მხოლოდ სიმ ბარათის შეძენის შემთხვევაში), ხოლო სიმ ბარათის უშუალოდ გადაცემისას (როგორც სიმ ბარათის შეძენის, ისე შეცვლის შეთხვევაში) განმცხადებელთან ფორმდება მიღება-ჩაბარების აქტი სიმ ბარათის გადაცემის შესახებ.
7. განმცხადებელი/აბონენტი ავსებს განაცხადის ფორმას, იხდის მომსახურების ღირებულებას ონლაინ - საბანკო ბარათის საშუალებით (სიმ ბარათის ღირებულებას და მიტანის საფასურს), აგზავნის პირადობის მოწმობის და სიმ ბარათის ფოტო ასლებს.
განმცხადებელმა/აბონენტმა განაცხადში უნდა მიუთითოს სრული და ზუსტი სახელი, გვარი, პირადი ნომერი, მისამართი და ტელეფონის ნომერი. წინააღმდეგ შემთხვევაში, „სილქნეტი“ არ იძლევა გარანტიას დროულად მიწოდებაზე და არ კისრულობს პასუხისმგებლობას მიწოდების დაგვიანების ან ჩაშლის გამო.
8. იმ შემთხვევაში, თუ განმცხადებლის/აბონენტის მიერ განაცხადში შევსებულ და მის მიერ გადმოგზავნილი დოკუმენტების (პირადობის დამადასტურებელი მოწმობა) მონაცემებს შორის არის შეუსაბამობა (მექანიკური შეცდომა), მოხდება მონაცემების გასწორება განმცხადებელთან/აბონენტთან დაკავშირების გარეშე; ხოლო თუ განაცხადში ფიქსირდება არასრული ელ. ფოსტის მისამართი, ტელეფონის ნომერი, გადაგზავნილი დოკუმენტაცია არასრულია ან არ შეესაბამება კომპანიის მოთხოვნებს, მოხდება განმცხადებელთან/აბონენტთან დაკავშირება განაცხადში მითითებულ საკონტაქტო ნომერზე და მონაცემთა დაზუსტება.
9. თუ განაცხადში ფიქსირდება არასწორი მისამართი (ქალაქი/რეგიონი), რაც დაკავშირებულია (არსებითად ცვლის) საკურიერო მომსახურების ღირებულებასთან, განაცხადი უქმდება და მოხდება განმცხადებლის ინფორმირება განაცხადის ხელახლა შევსების აუცილებლობის თაობაზე. ასეთ შეთხვევაში გადახდილი თანხა აბონენტს უბრუნდება.
10. სიმ ბარათის მიწოდება ხდება განაცხადის დადასტურებისა და კურიერისთვის გადაცემიდან 2-5 სამუშაო დღეში, კურიერის მეშვეობით.
11. კურიერის ვიზიტისას განმცხადებელმა/აბონენტმა თან უნდა იქონიოს პირადობის დამადასტურებელი დოკუმენტი. ადგილზე შეკვეთის მიტანისას კურიერის მიერ ხდება განმცხადებლის/აბონენტის იდენტიფიცირება, განცხადებელი /აბონენტი ხელს აწერს მიღება-ჩაბარებას და მხოლოდ აღნიშნულის შემდგომ მოხდება სიმ ბარათის გადაცემა.
12. იმ შემთხვევაში, თუ კურიერს განმცხადებელი/აბონენტი არ დახვდება მითითებულ მისამართზე, ან სხვა მიზეზით, რომელიც გამოწვეულია განმცხადებლის/აბონენტის ბრალით, ვერ მოხდება სიმ ბარათის ჩაბარება, განმცხადებელს/აბონენტს სიმ ბარათის საფასური დაუბრუნდება თანხის გადახდიდან (ანგარიშზე ბლოკირებიდან) 30 (ოცდაათი) დღის ვადაში. ასეთ შემთხვევაში განმცხადებელს/აბონენტს საკურიერო მომსახურების
საფასური არ უბრუნდება.
13. საკურიერო მომსახურების ღირებულება განმცხადებელს/აბონენტს უკან არ უბრუნდება, თუ შეკვეთა უკვე გადაცემულია კურიერზე.
14. მას შემდეგ რაც განმცახედებელი/აბონენტი ჩაიბარებს სიმ-ბარათს და ხელს მოაწერს მიღება-ჩაბარების აქტს, სილქნეტის მიერ განხორციელდება შესაბამისი ოპერაცია (სიმ ბარათის გააქტიურება).